Կիրակի՝ 20 Յունիսին,  Միլանի Սբ․ Քառասուն մանկանց հայ առաքելական եկեղեցւոյ երգչախումբը հրաւիրուած էր մասնակցելու կիրակնօրեայ կաթողիկէ պատարագի՝ Լոմպարտիա տարածաշրջանի Կոմո նահանգի Sant’Abbondio տաճարին մէջ։ Իտալացի հաւատաւորները առիթ ունեցան լսելու Սուրբ սուրբ,  Քրիստոս ի մէջ մեր յայտնեցաւ, Տէր ողորմեա՛ եւ Հայր Մեր եկեղեցական երգերը եւ ատոնց միջոցով հաղորդակցուելու հայկական պատարագի խորհուրդին։